शैलेश साह, पोखरिया ।
पर्साको पोखरिया नगरपालिका–९ मा नेकपा (एमाले) को ३२ सदस्यीय वडा कमिटी गठन गरिएको छ।
नगर कमिटी संयोजक भगवान प्रसाद कुर्मीको अध्यक्षतामा बसेको बैठकले नयाँ वडा कमिटी गठन गरेको हो। नवगठित कमिटीको अध्यक्षमा विरेन्द्र महतो, उपाध्यक्षमा अभिनाश कुमार चौहान, सचिवमा शिवनाथ साह तेली र कोषाध्यक्षमा मैन देवी साह चयन भएका छन्। कमिटीमा अन्य सदस्यहरू समेत रहेका छन्।
बैठकमा मधेश प्रदेश कमिटी सदस्य तथा पोखरिया नगरपालिकाका नगर प्रमुख प्रद्युम्न प्रसाद चौहान प्रमुख अतिथिका रूपमा सहभागी थिए। कार्यक्रममा जिल्ला कमिटी सदस्य सुरेश पासवान, पर्सा क्षेत्र नं. ३(ख) का संयोजक कौशल किशोर साह, शैलेश साहलगायत एमालेका नेता तथा कार्यकर्ताहरूको सहभागिता रहेको थियो।
कार्यक्रममा सहभागी नेताहरूले पार्टी संगठनलाई वडा तहसम्म थप सुदृढ र व्यवस्थित बनाउँदै जनताका समस्यामा केन्द्रित भएर काम गर्नुपर्नेमा जोड दिएका थिए।
COMMENTS