पोखरिया, पर्सा |
नेपाल कम्युनिष्ट पार्टी (एमाले) अन्तर्गत पोखरिया नगरपालिका मा प्रत्येक वडाबाट अगुवा कार्यकर्ताहरूको सहभागितामा विशेष भेला सम्पन्न भएको छ।
नगर कमिटीको आयोजनामा सम्पन्न उक्त भेलामा संगठन सुदृढीकरण, पार्टी गतिविधि विस्तार तथा आगामी कार्यक्रमहरूको प्रभावकारी कार्यान्वयनका विषयमा विस्तृत छलफल गरिएको थियो। कार्यक्रममा विभिन्न वडाबाट आएका अगुवा कार्यकर्ताहरूले आफ्नो क्षेत्रको वर्तमान अवस्था, जनताको अपेक्षा तथा पार्टीलाई थप मजबुत बनाउन आवश्यक रणनीतिबारे धारणा राखेका थिए।
भेलामा वक्ताहरूले पार्टीलाई जनताको विश्वास जित्ने गरी अघि बढाउन, संगठनलाई अझ सक्रिय र चलायमान बनाउन तथा आगामी दिनमा जनमुखी कार्यक्रमहरू सञ्चालन गर्नुपर्नेमा जोड दिएका थिए। साथै, पार्टीभित्र एकता, अनुशासन र समन्वयलाई अझ मजबुत बनाउँदै अघि बढ्नुपर्ने आवश्यकता औंल्याइएको थियो।
कार्यक्रममा सहभागी नेताहरूले प्रत्येक वडामा संगठन विस्तार, नयाँ सदस्यता अभियान सञ्चालन तथा जनतासँग प्रत्यक्ष सम्पर्क बढाउने योजनालाई प्राथमिकतामा राख्ने प्रतिबद्धता व्यक्त गरेका छन्।
भेलाले आगामी दिनमा पार्टीलाई स्थानीय स्तरमा अझ सशक्त बनाउने, जनताको समस्यासँग नजिक रहेर समाधानमुखी भूमिका निर्वाह गर्ने र संगठनलाई प्रभावकारी रूपमा परिचालन गर्ने निष्कर्ष समेत निकालेको छ।
COMMENTS