रक्सौल, १० चैत । इन्डो–नेपाल संयुक्त फिल्ड सर्वे टोलीको पहिलो बैठक आज रक्सौलस्थित सशस्त्र सीमा बल (एसएसबी) मुख्यालयको कन्फरेन्स हलमा सम्पन्न...
रक्सौल, १० चैत । इन्डो–नेपाल संयुक्त फिल्ड सर्वे टोलीको पहिलो बैठक आज रक्सौलस्थित सशस्त्र सीमा बल (एसएसबी) मुख्यालयको कन्फरेन्स हलमा सम्पन्न भएको छ।
सीमावर्ती जिल्लाका उच्च प्रशासनिक तथा प्रहरी अधिकारीहरूको उपस्थितिमा सम्पन्न यो बैठकलाई सीमा व्यवस्थापनका दृष्टिले अत्यन्त महत्वपूर्ण मानिएको छ।
सीमा सुरक्षा तथा आपसी समन्वयलाई थप सुदृढ बनाउने उद्देश्यले भारत–नेपालबीच महŒवपूर्ण पहलस्वरूप सम्पन्न बैठकमा भारतीय पक्षबाट सुपौल, मधुबनी, सीतामढी, पूर्वी चम्पारण तथा पश्चिमी चम्पारणका जिल्ला अधिकारी (डीएम) र प्रहरी प्रमुख (एसपी) तथा नेपाली पक्षबाट सिराहा, धनुषा, महोत्तरी, सर्लाही, सप्तरी, रौतहट, बारा, पर्सा तथा चितवन जिल्लाका प्रमुख जिल्ला अधिकारीहरूको सहभागीता रहेको थियो।
भारतीय प्रतिनिधिमण्डलको नेतृत्व पूर्वी चम्पारणका जिलाधिकारी सौरभ जोरवालले गरेका थिए भने नेपाली प्रतिनिधिमण्डलको नेतृत्व सिराहाका सीडीओ सुरेन्द्र पौडेलले गरेका थिए। बैठकको प्रारम्भमा भारतीय पक्षले सबै अतिथिहरूलाई हार्दिक स्वागत गरेको थियो।
बैठकका क्रममा सातौं बाउन्ड्री वर्किङ गु्रपको म्यान्डेट तथा १२औँ सर्वे अफिसियल कमिटीका सिफारिसअनुसार फिल्ड सर्वे टोलीका कार्यहरूवारे विस्तृत छलफल गरिएको थियो। मुख्य विषयहरूमा सीमा स्तम्भहरूको मर्मत, नयाँ स्तम्भ निर्माण, हराएका स्तम्भहरूको पुनःस्थापना, क्षतिग्रस्त स्तम्भहरूको पुनर्निर्माण, ड्रोनमार्फत विस्तृत नक्सांकन तथा इन्डो–नेपाल सीमा सन्दर्भ फ्रेम तयार गर्ने विषयहरू समावेश रहेका थिए। यी सबै बुँदामा दुवै देशबीच सहमति भएको छ।
उच्चस्तरीय बैठकको सफल आयोजना गर्न स्थानीय प्रशासनले कडा सुरक्षा व्यवस्था मिलाएको थियो। अनुमण्डल पदाधिकारी मनीष कुमारको नेतृत्वमा सम्पूर्ण क्षेत्रमा सुरक्षा व्यवस्था कडा पारिएको थियो, जसले सहभागी अधिकारीहरूलाई सुरक्षित र सहज वातावरण उपलब्ध गराएको थियो।
अनुमण्डल पदाधिकारी मनीष कुमारले बैठकले भारत–नेपालबीचको सीमा सुरक्षालाई अझ मजबुत बनाउने महत्वपूर्ण कदम भएको बताए। विशेषज्ञहरूका अनुसार यस पहलले सीमावर्ती क्षेत्रका नागरिकहरूको सुरक्षामा उल्लेखनीय सुधार ल्याउने अपेक्षा गरिएको छ। साथै, यसले राष्ट्रविरोधी गतिविधिहरू नियन्त्रण गर्न पनि महŒवपूर्ण सन्देश दिने विश्वास व्यक्त गरिएको छ।
भारत र नेपालबीच लामो समयदेखि रहँदै आएको मैत्रीपूर्ण सम्बन्धको झल्को यस बैठकमा स्पष्ट देखिएको थियो, जहाँ दुवै देशका अधिकारीहरूले पारस्परिक सम्मानका साथ समन्वय र सहकार्यलाई अझ सुदृढ बनाउने प्रतिबद्धता व्यक्त गरेका छन।
सीमावर्ती जिल्लाका उच्च प्रशासनिक तथा प्रहरी अधिकारीहरूको उपस्थितिमा सम्पन्न यो बैठकलाई सीमा व्यवस्थापनका दृष्टिले अत्यन्त महत्वपूर्ण मानिएको छ।
सीमा सुरक्षा तथा आपसी समन्वयलाई थप सुदृढ बनाउने उद्देश्यले भारत–नेपालबीच महŒवपूर्ण पहलस्वरूप सम्पन्न बैठकमा भारतीय पक्षबाट सुपौल, मधुबनी, सीतामढी, पूर्वी चम्पारण तथा पश्चिमी चम्पारणका जिल्ला अधिकारी (डीएम) र प्रहरी प्रमुख (एसपी) तथा नेपाली पक्षबाट सिराहा, धनुषा, महोत्तरी, सर्लाही, सप्तरी, रौतहट, बारा, पर्सा तथा चितवन जिल्लाका प्रमुख जिल्ला अधिकारीहरूको सहभागीता रहेको थियो।
भारतीय प्रतिनिधिमण्डलको नेतृत्व पूर्वी चम्पारणका जिलाधिकारी सौरभ जोरवालले गरेका थिए भने नेपाली प्रतिनिधिमण्डलको नेतृत्व सिराहाका सीडीओ सुरेन्द्र पौडेलले गरेका थिए। बैठकको प्रारम्भमा भारतीय पक्षले सबै अतिथिहरूलाई हार्दिक स्वागत गरेको थियो।
बैठकका क्रममा सातौं बाउन्ड्री वर्किङ गु्रपको म्यान्डेट तथा १२औँ सर्वे अफिसियल कमिटीका सिफारिसअनुसार फिल्ड सर्वे टोलीका कार्यहरूवारे विस्तृत छलफल गरिएको थियो। मुख्य विषयहरूमा सीमा स्तम्भहरूको मर्मत, नयाँ स्तम्भ निर्माण, हराएका स्तम्भहरूको पुनःस्थापना, क्षतिग्रस्त स्तम्भहरूको पुनर्निर्माण, ड्रोनमार्फत विस्तृत नक्सांकन तथा इन्डो–नेपाल सीमा सन्दर्भ फ्रेम तयार गर्ने विषयहरू समावेश रहेका थिए। यी सबै बुँदामा दुवै देशबीच सहमति भएको छ।
उच्चस्तरीय बैठकको सफल आयोजना गर्न स्थानीय प्रशासनले कडा सुरक्षा व्यवस्था मिलाएको थियो। अनुमण्डल पदाधिकारी मनीष कुमारको नेतृत्वमा सम्पूर्ण क्षेत्रमा सुरक्षा व्यवस्था कडा पारिएको थियो, जसले सहभागी अधिकारीहरूलाई सुरक्षित र सहज वातावरण उपलब्ध गराएको थियो।
अनुमण्डल पदाधिकारी मनीष कुमारले बैठकले भारत–नेपालबीचको सीमा सुरक्षालाई अझ मजबुत बनाउने महत्वपूर्ण कदम भएको बताए। विशेषज्ञहरूका अनुसार यस पहलले सीमावर्ती क्षेत्रका नागरिकहरूको सुरक्षामा उल्लेखनीय सुधार ल्याउने अपेक्षा गरिएको छ। साथै, यसले राष्ट्रविरोधी गतिविधिहरू नियन्त्रण गर्न पनि महŒवपूर्ण सन्देश दिने विश्वास व्यक्त गरिएको छ।
भारत र नेपालबीच लामो समयदेखि रहँदै आएको मैत्रीपूर्ण सम्बन्धको झल्को यस बैठकमा स्पष्ट देखिएको थियो, जहाँ दुवै देशका अधिकारीहरूले पारस्परिक सम्मानका साथ समन्वय र सहकार्यलाई अझ सुदृढ बनाउने प्रतिबद्धता व्यक्त गरेका छन।
COMMENTS