अभिलाष गुप्ता
वीरगञ्ज, ०४ जेठ
नेपाल नेत्रज्योति संघ पर्सा को आयोजनामा वीरगञ्ज महानगरपालिका वडा नं. १० स्थित श्री रामचरण साह पन्नालाल माध्यमिक विद्यालय मा निःशुल्क आँखा परीक्षण, चस्मा तथा औषधि वितरण कार्यक्रम सम्पन्न भएको छ।
विद्यालयका प्रधानाध्यापक मनोज प्रसाद चौहानको अध्यक्षतामा सम्पन्न कार्यक्रममा नेपाल नेत्रज्योति संघ पर्साका सभापति भगवती चौधरी प्रमुख अतिथिका रूपमा सहभागी रहेका थिए। कार्यक्रममा संघका उपसभापति मदन प्रसाद गुप्ताले विद्यार्थीलाई पर्चा तथा चस्मा हस्तान्तरण गर्दै कार्यक्रमको उद्घाटन गरेका थिए।
शिविरमा विद्यार्थी तथा विद्यालयका शिक्षक गरी करिब १९५ जना लाभान्वित भएका थिए। आवश्यकता अनुसार सहभागीहरूलाई निःशुल्क औषधि तथा चस्मासमेत वितरण गरिएको आयोजकले जनाएको छ।
कार्यक्रममा विद्यालयका प्रधानाध्यापक मनोज प्रसाद चौहान, विनोद गिरि, सुमनिमा राज भण्डारी, बबिता गुप्ता, उर्मिला गिरिलगायतले नेपाल नेत्रज्योति परिवारप्रति धन्यवाद ज्ञापन गर्दै कदरपत्र प्रदान गरेका थिए।
त्यसैगरी कार्यक्रममा नेपाल नेत्रज्योति संघ पर्साका निवर्तमान सभापति मधु राणा, सचिव सिताराम उपाध्याय, कोषाध्यक्ष दीपिका श्रेष्ठ, सुनिता नेपाल, समिता कर्ण, उमेश गुप्ता, गणेश प्रसाद साह, मधुसूदन उपाध्यायलगायतको उपस्थिति रहेको थियो।
नेत्र सहायक अञ्जली चौधरी र अरुण कुमारले प्राविधिक सहयोग गरेको तथा कार्यक्रमबारे जानकारी नेपाल नेत्रज्योति संघ पर्सा जिल्ला कार्यसमिति सदस्य राजन श्रीवास्तवले दिएका हुन्।
COMMENTS