शैलेश गुप्ता ६ जेठ, काठमाडौं ।
शहीद गंगालाल राष्ट्रिय हृदय केन्द्र बाँसबारीमा मुटु रोग सम्बन्धी उपचार गराइरहेकी सञ्चारकर्मी शैलेश गुप्ताकी आमासँग संविधान सभा सदस्य तथा पोखरिया नगरपालिका का नगर प्रमुख प्रद्युम्न प्रसाद चौहानले भेट गरी स्वास्थ्य अवस्थाबारे जानकारी लिनुभएको छ।
नगर प्रमुख चौहान अस्पताल पुगेर उपचाररत बिरामीको स्वास्थ्य अवस्थाबारे चिकित्सक तथा परिवारजनसँग जानकारी लिँदै उपचार प्रक्रियाबारे चासो व्यक्त गर्नुभएको थियो। उहाँले उपचारमा संलग्न चिकित्सकहरूसँग छलफल गर्दै आवश्यक सबै सेवा प्रभावकारी रूपमा उपलब्ध गराउन आग्रह गर्नुभएको बताइएको छ।
भेटका क्रममा नगर प्रमुख चौहानले बिरामीको शीघ्र स्वास्थ्य लाभको कामना गर्दै परिवारजनलाई धैर्य, आत्मविश्वास र सकारात्मक सोचका साथ अगाडि बढ्न आग्रह गर्नुभयो। उहाँले कठिन परिस्थितिमा परिवारलाई मानसिक रूपमा बलियो रहनुपर्ने उल्लेख गर्दै आवश्यक सहयोगका लागि आफू सधैं साथमा रहने प्रतिबद्धता व्यक्त गर्नुभएको थियो।
नगर प्रमुख चौहानले सञ्चार क्षेत्र लोकतन्त्र र समाजको महत्वपूर्ण आधार स्तम्भ भएको उल्लेख गर्दै सञ्चारकर्मीहरूले समाजमा सूचना प्रवाह, जनचेतना अभिवृद्धि तथा सामाजिक उत्तरदायित्व निर्वाहमा महत्वपूर्ण भूमिका खेल्दै आएको बताउनुभयो। सञ्चारकर्मी र उनीहरूका परिवारको दुःख–सुखमा साथ दिनु आफ्नो सामाजिक तथा नैतिक दायित्व भएको उहाँको भनाइ थियो।
उहाँले स्वास्थ्य उपचारजस्तो संवेदनशील विषयमा सबै पक्षबाट सहयोग र मानवीय संवेदना आवश्यक पर्ने उल्लेख गर्दै बिरामीको उपचारमा कुनै कमी हुन नदिन सम्बन्धित निकायको ध्यानाकर्षणसमेत गराउनुभएको थियो।
भेटका क्रममा सञ्चारकर्मी शैलेश गुप्ताले आमाको स्वास्थ्य अवस्थाप्रति चासो व्यक्त गर्दै अस्पतालमै पुगेर हौसला र आत्मीयता प्रदान गरेकोमा नगर प्रमुख चौहानप्रति आभार व्यक्त गर्नुभयो। उहाँले यस्तो साथ र सहयोगले परिवारलाई थप मनोबल मिलेको बताउनुभएको थियो।
हाल शैलेश गुप्ताको आमाकी शहीद गंगालाल राष्ट्रिय हृदय केन्द्र मा विशेषज्ञ चिकित्सकहरूको निगरानीमा उपचार भइरहेको पारिवारिक स्रोतले जनाएको छ। परिवारका अनुसार स्वास्थ्य अवस्थामा क्रमिक सुधार भइरहेको र चिकित्सकहरूले नियमित परीक्षण तथा निगरानी गरिरहेको बताएका छन्।
COMMENTS