शैलेश गुप्ता २८ं फल्गुण पोखरिया
पर्सा निर्वाचन क्षेत्र नम्बर ४ बाट नवनिर्वाचित सांसद टेकबहादुर शाक्याले वीरगन्जस्थित मानव सेवा आश्रममा पुगेर आश्रम र त्यहाँरहेका आश्रीतहरुको अवस्थाका बारेमा जानकारी लिएका छन् । जानकारी लिने र सो आश्रमको खर्च ब्यवस्था कसरी पुरा हुने मनको ढुकढुकीले शाक्या सोही आश्रममा बोल्दै १ लाख ११ हजार १ सय १ रुपैयाको नगद रासी सहयोग गर्ने प्रतीबद्धता गरेका हुन ।
पर्सा क्षेत्र नम्बर २ बाट निवाचित साँसद सुशिल साह कानु पानी सो आश्रममा सँगौ सरिक भएका थिए । शाक्या र कानु दुबै साँसदले आश्रममा आश्रीत ६० भन्दा बढी लक्ष्मीनारायणहरुको बिहानको भोजनमा प सरिक भएका थिए ।त्यसअघि नवनिनर्वाचित सांसद शाक्या र कानुले आश्रमका संस्थापक अभिभावक , संरक्षक, प्रमुखसंगै त्यहाँ आश्रय लिएर बसेकाहरुलाई भेटेर आश्रमको अवस्था, सञ्चालनमा आइपरेका समस्या लगायतका बारेमा जानकारीपनि लिए ।
त्यसक्रममा शाक्या र कानुले संघीय सरकार वा स्थानीय सरकारबाट गर्नुपर्ने आवश्यक सहयोगका विषयमा आँफु सधैं सकारात्मक रहेको बताए । कानुले भने,‘हिजो वडा अध्यक्षरहँदा पनि समाजका लागि धेरै काम गरेको थिएँ, अहिले सांसद भएपछि अझ ठूलो जिम्मेवारी थपिएको छ । मानव सेवा आश्रमका लागि जे–जे गर्नुपर्ने हुन्छ, त्यसमा हामी सधैं साथ र सहयोग गर्न तयार छौ ।’
मानव सेवा आश्रमले मानवताको उच्च आदर्श बोकेर समाजका असहाय, बेवारिसे तथा सहाराविहीन नागरिकहरूको संरक्षण गर्दै आएको कार्य अत्यन्तै प्रशंसनीय र प्रेरणादायी भएको उनले बताए।
पर्सा–४ का नवनिर्वाचित सांसद शाक्यले मानव सेवा आश्रमले मानवताको सेवा गर्दै समाजलाई एकताबद्ध बनाउने काम गरिरहेको उल्लेख गर्दै पहिलो प्राथमिकता नै आश्रमको सहयोग रहेको बताए ।
त्यसअवसरमा रास्वपाका युवा नेता सुधिर पटेल, आश्रमका संरक्षक तथा मधेस विश्वविद्यालयका उपकुलपति प्राध्यापक डा। दिपक शाक्य, आश्रमका संस्थापक देवेश गुप्ता, सामाजिक अभियन्ता प्रकाश थारू लगायतकाको पनि उपस्थिती थियो ।
COMMENTS