अभिलाष गुप्ता ०८ माघ वीरगञ्ज
नेपाली कांग्रेस पर्साका जिल्ला सदस्य डा. पुरुषोतम दुबेले पर्सा क्षेत्र नम्बर २ को सर्वाङ्गिण विकास र लोकतन्त्रको रक्षाका लागि अजय कुमार चौरसियालाई विजयी गराउनुको विकल्प नरहेको बताउनुभएको छ। आगामी निर्वाचनको सन्दर्भमा आफ्नो धारणा सार्वजनिक गर्दै डा. दुबेले नेता चौरसिया यस क्षेत्रका लागि केवल उम्मेदवार मात्र नभई समृद्धिको सौभाग्य भएको दाबी गर्नुभयो।
आफ्नो अपीलमा डा. दुबेले अजय चौरसियाको व्यक्तित्वको चर्चा गर्दै भन्नुभयो, "चौरसिया जीले आफ्नो सम्पूर्ण जीवन देश, समाज, युवा, महिला र किसानको उत्थानमा समर्पित गर्नुभएको छ। उहाँ यस्तो नेता हुनुहुन्छ जसले हरेक नागरिकलाई खुला हृदयले सत्कार र सम्मान गर्नुहुन्छ। उहाँ जस्तो सुझबुझपूर्ण र शालीन नेतृत्व पाउनु पर्सावासीको लागि सौभाग्य हो।
नेता चौरसियाको कार्यकालमा भएका विकास निर्माणका कार्यहरूको चर्चा गर्दै डा. दुबेले थप्नुभयो, "उहाँले सडक, बिजुली, खानेपानी, स्वास्थ्य र शिक्षालाई उच्च प्राथमिकतामा राखेर काम गर्नुभएको छ। ती सबै कार्यहरू पारदर्शी र जनमुखी छन्। सडकदेखि सदनसम्म जनताको आवाज बनेर उहाँले सधैं लोकतन्त्रलाई मजबुत बनाउनुभएको छ।
पार्टीभित्रको पछिल्लो सन्दर्भ जोड्दै डा. दुबेले भन्नुभयो, "आज देशभरि
आदरणीय नेता गगन थापाले जुन युवा नेतृत्व र सुशासनको आवाज उठाइरहनुभएको छ, त्यसलाई सदनमा बलियो साथ दिन अजय चौरसिया जस्तो अनुभवी नेताको उपस्थिति अनिवार्य छ। गगन थापाको नवीन सोच र चौरसियाको लामो राजनीतिक अनुभवको संगमले मात्रै कांग्रेस र देशलाई सही दिशा दिनेछ।
अन्तमा, डा. दुबेले पर्सा क्षेत्र नम्बर २ का सम्पूर्ण आम मतदाताहरूलाई एकजुट हुन आग्रह गर्दै भन्नुभयो, "भावना र भ्रमको पछि नलागी विकासको तथ्यलाई हेरेर आगामी निर्वाचनमा रुख (गाछी) छापमा मतदान गरी अजय चौरसियालाई अत्यधिक बहुमतले विजयी बनाउन म हार्दिक अपील गर्दछु।
COMMENTS