एमाले उम्मेद्वार को कहाँ ?

0 0 News Desk Saturday, January 17, 2026 Edit this post

वीरगंज । शनिबार राति अबेरसम्म बसेको नेकपा एमालेको सचिवालय बैठकले मधेशसहित देशभर १ सय ६५ निर्वाचन क्षेत्रका उम्मेदवार तय गरेको छ । केही स्थानमा उम्मेदवार तोकिन बाँकी छन् । यसको अधिकार अध्यक्ष केपी शर्मा ओलीलाई नै सचिवालयले जिम्मा दिएको छ । मधेशका ८ जिल्लाका अधिकांश क्षेत्रमा उम्मेदवार चयन भएका छन् । केही क्षेत्रको उम्मेदवार टुंगो अध्यक्षले लगाउने भएका छन् ।

एमालेका अनुसार, सप्तरीमा क्रमशः क्षेत्र नम्बर १ बाट ४ सम्म सुमन प्याकुरेल, सतिश सिंह, ताराकान्त चौधरी र बालकृष्ण चौधरी उम्मेदवार चयन भएका छ्न ।

यस्तै, सिरहामा केदार यादव, नविनकुमार यादव, लिलानाथ श्रेष्ठ र बिल्टु यादवलाई क्रमशः निर्वाचन क्षेत्र नम्बर १ बाट ४ को उम्मेदवार बनाइएको छ ।

यस्तै, धनुषामा क्षेत्र नम्बर १ बट ४ सम्म रामचन्द्र मण्डल, उमाशंकर अग्रहरि, जुली महतो र रघुवीर महासेठ उम्मेदवार बनाइएको छ ।

महोत्तरीमा पनि क्रमशः क्षेत्र नम्बर १ बाट ४ सम्ममा लक्ष्मी महतो कोइरी, रामपरीक्षण यादव, ३ मा टुंगो लाग्न बाँकी र सरोज यादव उम्मेदवार भएका छन् ।

सर्लाहीमा क्षेत्र नम्बर १ र २ मा बाँकी छ भने ३ मा हरि उप्रेतीलाई टिकट दिइएको छ ।

रौतहटमा क्रमशः अजय गुप्ता, शैलेन्द्र साह, कुन्दन कुशवाहा, रामजी शाह चयन भएका छन् ।

यस्तै, बारामा क्रमशः अच्युत मैनाली, बलवीर चौधरी, ज्वाला शाह र किसान श्रेष्ठ उम्मेदवार भएका छन् ।

पर्सामा क्षेत्र नम्बर १ र २ मा टुंगिन बाँकी छ भने क्षेत्र नम्बर ३ मा प्रमोद जैसवाल र ४ मा जालिम मियाँ अन्सारीलाई उम्मेदवार बनाइएको छ ।