अभिलाष गुप्ता
वीरगञ्ज १२ माघ
छिमेकी मित्र राष्ट्र भारतको ७७औँ गणतन्त्र दिवसको अवसरमा बृहस्पति फाउन्डेशन नेपालले विशेष शुभकामना व्यक्त गरेको छ। फाउन्डेशनका अध्यक्ष तथा विश्व ज्योतिष महासंघका एसिया उपसभापति डा. पुरुषोतम दुबेले शुभकामना सन्देश जारी गर्दै भारत सरकार र सम्पूर्ण भारतीय जनतालाई हार्दिक बधाई दिएका हुन्।
शुभकामना सन्देशमा डा. दुबेले गणतन्त्र दिवसलाई लोकतन्त्र, संविधानको गरिमा र जनसत्ताको सम्मानको प्रतीकको रूपमा उल्लेख गर्दै भारतको लोकतान्त्रिक स्थिरताले छिमेकी राष्ट्रहरूलाई पनि सकारात्मक सन्देश दिने विश्वास व्यक्त गर्नुभयो।
उहाँले नेपाल–भारत सम्बन्ध ऐतिहासिक, सांस्कृतिक र सामाजिक रूपमा गहिरो रहेको उल्लेख गर्दै आगामी दिनमा यो सम्बन्ध अझ सुदृढ र समृद्ध हुने अपेक्षा गर्नुभयो।
यस अवसरमा बृहस्पति फाउन्डेशन नेपालको तर्फबाट विशेष शुभकामना पोस्टर समेत सार्वजनिक गरिएको छ। उक्त पोस्टरले नेपाल–भारतबीचको मित्रता, सद्भाव र भाइचाराको सन्देश प्रवाह गरेको बताइएको छ।
COMMENTS