बंगलादेश घटनाविरुद्ध हिन्दुवादी संस्थाद्वारा गौरमा विरोध प्रदर्शन

अशोक यादव रौतहट, ९ पुस । बंगलादेशमा क्रूरतापूर्वक हत्या गरिएका हिन्दु युवक दिपु चन्द दासका हत्यारालाई अविलम्ब कानुनी दायरामा ल्याई कडा कारबा...

अशोक यादव
रौतहट, ९ पुस । बंगलादेशमा क्रूरतापूर्वक हत्या गरिएका हिन्दु युवक दिपु चन्द दासका हत्यारालाई अविलम्ब कानुनी दायरामा ल्याई कडा कारबाही गर्नुपर्ने माग गर्दै हिन्दुवादी संस्थाहरूको आहवानमा रौतहटको सदरमुकाम गौरमा विरोध प्रदर्शन गरिएको छ।
प्रदर्शनमा सहभागीहरूले बंगलादेशमा अल्पसंख्यक हिन्दु समुदायमाथि भइरहेका अमानवीय अत्याचार, हिंसा र लक्षित हत्याको कडा निनदा गर्दै उक्त घटनाले सम्पूर्ण हिन्दु समाजलाई स्तब्ध र आक्रोशित बनाएको बताएका छन।
निर्दाेष युवक दिपु चन्द दासको हत्या कुनै एक व्यक्तिमाथिको मात्र आक्रमण नभई मानवता, धार्मिक सहीष्णुता र लोकतान्त्रिक मूल्यहरूमाथिको गम्भीर प्रहार भएको उनीहरूको भनाइ छ।
वक्ताहरूले यस्ता घटनाप्रति समयमै आवाज नउठाए र हिन्दु समुदाय चुप लागेर बसिरहे आगामी दिनमा नेपाललगायत अन्य मुलुकमा पनि अझ गम्भीर चुनौतीहरूको सामना गर्नुपर्ने चेतावनी दिएका छन। त्यसैले जाति, धर्म र समुदायभन्दा माथि उठेर सबै नेपाली नागरिक सचेत, एकजुट र जागरूक हुन आवश्यक रहेको उनीहरूको जोड थियो।
प्रदर्शनका क्रममा दोषीहरूलाई कडा सजाय दिन, अल्पसंख्यक समुदायको सुरक्षा सुनिश्चित गर्न र अन्तर्राष्ट्रिय मानवअधिकार मापदण्डअनुसार छानबिन गर्न सम्बन्धीत निकायहरूको ध्यानाकर्षण गराइएको थियो।