शैलेश गुप्ता ४ पुष पोखरिया
पर्साको जगरनाथपुर गाउपालिकाको आयोजनामा चौथो राष्ट्रपति रनिङ शिल्ड प्रतियोगिता शुक्रवार देखि सुरु भएको छ । पालिकाको वडा नं। ५ मधुवाहा स्थित रहेको श्री नेपाल राष्ट्रिय माध्यमिक विद्यालयको खेल मैदानमा आयोजित प्रतियोगिताको उदघाटन गाउपालिका अध्यक्ष श्रीकान्त प्रसाद यादवले गर्नु भएको थियो ।
सो अवसरमा पालिका अध्यक्ष यादवले खेलकुद अनुशासित नागरिक बनाउने पाठशाला भएको बताउनु भयो । खेलकुद केवल मनोरञ्जन मात्र नभई विद्यार्थीहरूको सर्वाङ्गीण विकासको बलियो आधार हो–यादवको भनाई थियो ।
“विद्यार्थीहरू भोलिका राष्ट्र निर्माता हुन् । उनीहरूलाई मानसिक रूपमा तिखार्न र शारीरिक रूपमा सबल बनाउन खेलकुदले मद्दत पुर्याउछ ।” पालिका अध्यक्ष यादवले खेल पूर्वाधारमा पालिकाको लगानी बढाउदै लैजाने बताउनु भएको छ ।
उदघटन कार्यक्रममा पालिका उपाध्यक्ष बबिता क्षेत्री सिंहले छात्राहरूको सहभागिता र क्षमता प्रदर्शनमा जोड दिनु भएको छ ।
पालिका उपाध्यक्ष सिंहले खेलकुद आत्मविश्वास बढाउनका लागि महत्वपुर्ण साध्य हो भन्दै खेलकुदको माध्यमबाट महिला सशक्तिकरण र सामाजिक एकता मजबुत बनाउन आफु सदा लागि पर्ने बताउनु भएको छ ।
पालिकाका प्रमुख प्रशासकीय अधिकृत सन्देश कुमार यादवले प्रतियोगिताको व्यवस्थापकीय पक्ष र यसको महत्वमाथि प्रकाश पार्नु भएको थियो ।
जगरनाथपुर गाउ“पालिकाका सबै ६ वटै वडाका विद्यालयहरूको सहभागिता रहने प्रतियोगितामा दौड, हाइजम्प, लङजम्प, भलिबल, कबड्डी लगायत विभिन्न विधामा छात्र–छात्राहरूबीच प्रतिस्पर्धा हुने छ । पालिका स्तरका उत्कृष्ट खेलाडीलाई उनीहरूलाई जिल्ला र प्रदेश स्तरीय प्रतियोगितामा सहभागि गराउने पालिकाले जनाएको छ ।
COMMENTS