शैलेश गुप्ता २९ कात्र्तिक विरगन्ज
नेकपा एमाले पर्सा जिल्ला कमिटीको आयोजनामा आज वीरगञ्जमा र्यालीमा उत्साहपूर्वक जनसहभागीता रहेको थियो । शनिवार पार्टीले जिल्लाको सदरमुकाम वीरगञ्जमा शक्ति प्रदर्शन गर्दै वर्तमान सरकारको गतिविधि र विदेशीसँगको निर्भरतालाई लिएर कडा आपत्ति जनाएको थियो । र्यालीमा सहभागीहरूको भीडले केही बेरसम्म मुख्य सडक क्षेत्रमा यातायात अवरुद्ध हुन पुगेको थियो । कार्यक्रमलाई सम्बोधन गर्दै नेकपा एमालेका सँविधान सभा सदस्य तथा मदेश प्रदेश कमिटी सदस्य तथा पोखरिया नगरपालीकाको नगरप्रमुख प्रदुमन प्रसाद चौहानले कोणसभालाई सम्बोधन गर्दै वर्तमान सरकारले संविधानको मर्म र जनादेशविपरीत शासन गरिरहेको आरोप लगाएका छन । उनले भने “आजको सरकार संविधान र देशको स्वाधीनतासँग खेलबाड गदैं दुवैलाई कमजोर बनाउने काममा लागेको बताए ।
उनले यो सरकार विदेशी सरकार र बाह्य शक्तिको दबाबमा निर्णय गरिरहेको दावी गरेका थिए । उनले भने नेकपा एमाले समृद्ध नेपाल सुखी नेपालीको अभिभाराको बोकेको पार्टी रहेको हुनाले राष्ट्रिय हितविपरीत जाने कुनै पनि सम्झौता वा निर्णयमाथि एमाले सदैव दृढ भएर उभिने धारणा राखे । उनले संसद पुनरस्थापना नभए देश खाडी तर्फ जादैं गरेको हुनाले देशलाई स्थिर बनाउन संसद पुनरस्थापना आवश्यक रहेको जिकिर गरे । पोखरिया नगरपालीकाको नगरप्रमुख समेत रेहका नेता चौहानले भदौ २३ र २४ गतेको जेनजी आन्दोलनलाई स्मरण गदैं उनले भने जेनजी पुस्ता परिवर्तनको सम्भावक हो र उनीहरुको मांग जायज हो, तर संसद पुनरस्थापना नभए सम्म सो मांग पुरा नहुने बताए ।
बिदेशी शक्ति र घुसपैठीयाहरुको कारणले गर्दा जेनजी आन्दोलनलाई प्रभावित बनाई देशमा बिधवंस गरिएको नेता चौहानले ठोकुवा समेत गरेका थिए । ” चौहानले पार्टी कार्यकर्तालाई आन्तरिक एकता र राजनीतिक जागरूकता बढाउन आग्रह गर्दै नेपालका भित्री विषयमा विदेशीको हस्तक्षेप स्वीकार्य नहुने बताए । र्यालीमा सहभागीहरूले पार्टीका झण्डा सहित ’विदेशी सरकार मुर्दावाद’, ’अवैधानिक सरकार हटाऔ, संसद पुनरस्थापना गर, एनजियो सरकार मुर्दावाद, बिदेशी दलाली बन्द गर र एमाले जिन्दावाद’ जस्ता नारा घन्काएका थिए ।
नेकपा एमालेका पर्सा जिल्ला अध्यक्ष विश्वम्भर शर्माको अध्यक्षता तथा पार्टीका केन्द्रिय सदस्य तथा पर्सा जिल्ला ईन्चार्ज प्रभु हजराको प्रमुख अतिथ्यमा सम्पन्न जनप्रदर्शन कार्यक्रममा पार्टीका केन्द्रिय सदस्य निर्माला देवकोटा, सल्लाहाकार परिषद्ध सदस्य जालिम मिया, प्रदेश कमिटिका उपाध्यक्ष बिचारी यादव, सदस्यहरु, जिल्ला कमिटिका पदाधिकारी, सदस्यहरु, स्थानीय नेता, कार्यकर्ता, युवाहरू, महिला समूहदेखि विभिन्न संगठनका प्रतिनिधिसमेतको सक्रिय सहभागिता रहेको थियो । नेताहरुका अनुसार ‘असंवैधानिक’ सरकार विरुद्ध पर्सा लगायत देशव्यापी जनजागरण अभियान तथा जन प्रदर्शन कार्यक्रम आज गरिने नेकपा एमालेको केन्द्रिय कमिटिको सर्कुलर रहेको छ ।
COMMENTS