शैलेश गुप्ता ११ पौष पोखरिया
पर्साको कालिकामाई गाउँपालिकामा सरुवा भई आएका प्रमुख प्रशासकीय अधिकृत राज कुशवाहा आज शुक्रबार हाजिर भई कार्यभार समालेका हुन । अधिकृत कुशवाहालाई आज एक कार्यक्रमका बिच गाउपालीकाका उपप्रमुख फुलमती देवी वरैनीले फुलमाला लगाई स्वागत गरेकी छिन ।
अधिकृत कुशवाहा सँग जनप्रतिनिधि र कर्मचारीहरु बिच परिचयात्मक कार्यक्रम सम्पन्न भएको अधिकृत कुशवाहाले जानकारी दिए । अधिकृत कुशवाहाका अनुसार गाउँपालिकाको सभा हलमा भएको परिचयात्मक कार्यक्रममा गाउँपालिकाको उपाध्यक्ष फुलमती देबी बरैनले गमछा र फुलमाला लगाई स्वागत गरेको उनको भनाई रहेको छ ।
परिचयात्मक कार्यक्रममा जनप्रतिनिधि, कार्यपालिका सदस्य र कर्मचारी लगायतको उपस्थिती रहेको उक्त कार्यक्रममा प्रमुख प्रसाशकिय अधिकृत राज कुशवाहालाई जनप्रतिनिधिहरु र कर्मचारीहरुले फुलमाला सहित अवीरको टिका लगाई गाउँपालिकामा स्वागत गरेका थिए । प्रमुख प्रशासकीय अधिकृत कुशवाहाले कालिकामाई गाउँपालिकाको कार्यभार समाहल्दै गाउँपालिकाको काम कारवाही नियमसंगत अगाढी बढने तथा विकासले गति पाउँनेमा आफु बिश्वस्त रहेको प्रतिक्रिया दिए । स्वागत तथा परिचातमक कार्यक्रममा वडाअध्यक्ष लालबाबु चौरसिया,संजय पटेल,सोनालाल चौरसिया,संजय प्रसाद गोढ, स्वास्थ्य शाखा प्रमुख योगेन्द्र चौरसिया,कृषि प्रमुख रणधिर चौरसिया,जिन्शी प्रमुख बिक्रम चौरसिया लगायत जनप्रतिनिधि कर्मचारी लगायत स्थानियहरुको सहभागिता रहेको थियो ।
COMMENTS