थारु कल्याण समिति पर्साको विभिन्न निर्णय सहित बैठक सम्पन्न

  शैलेश गुप्ता २९ कार्तिक पोखरिया   थारु कल्याण समिति पर्साको नियमित बैठक शनिबार सम्पन्न भएको छ। थारु कल्याण समिति (था.क.स.) पर्साको बैठक पर...

 

शैलेश गुप्ता २९ कार्तिक पोखरिया 

 थारु कल्याण समिति पर्साको नियमित बैठक शनिबार सम्पन्न भएको छ। थारु कल्याण समिति (था.क.स.) पर्साको बैठक पर्सागढी नगरपालिका–२, बागबानामा समितिका अध्यक्ष श्री भागवत प्रसाद थारु ज्यूको अध्यक्षतामा सम्पन्न भएको छ।

बैठकमा समितिका विभिन्न प्रस्तावहरूमा विस्तृत रूपमा छलफल गरिएको थियो। बैठकमा संस्थाको हालसम्मको गतिविधि, संगठन विस्तार, तथा आगामी कार्यक्रमहरूबारे विस्तृत समीक्षा तथा योजना प्रस्तुत गरिएको थियो।

बैठकले समुदायको सामाजिक, सांस्कृतिक तथा शैक्षिक उत्थानका लागि विभिन्न कार्यक्रम सञ्चालन गर्ने निर्णय गरेको छ। सदस्यहरूले थारु समुदायको पहिचान संरक्षण, युवाहरूलाई नेतृत्व विकासतर्फ प्रेरित गर्ने, तथा स्थानीय तहसँग समन्वय मजबुत बनाउँदै लैजाने विषयमा विशेष चर्चा गरेका थिए।

बैठकले प्रस्तावित गतिविधि तथा आगामी कार्यक्रमहरूबारे महत्वपूर्ण निर्णयहरू अघि बढाउने बताइएको छ। सो बैठक बाट मिति २०८२-८-२० गते यश संस्थाको साधारण सभा सखुवा प्रसौनी गा.प.वार्ड न.२ स्थित श्री दीपनारायण आदर्स मा.बि. औराहा पन्चगावा मा ११ बजे देखि गर्ने निर्णय गरेको छ। यश सभामा सम्पुर्ण थारु समुदायलाई उपस्तिथिको लागि अनुरोध गरेको छ।

 बैठकमा केन्द्रिय सदस्य श्री महेन्द्र चौधरी, केन्द्रिय सदस्य पर्सा नंदकिशोर पन्जियार, बेदमन दास, पूर्व केन्द्रिय सदस्य बृजमोहन चौधरी, पर्सागढी न.पा. संयोजक घनश्याम दास, सदस्य जङ्गबहादुर दास, अधिवक्ता अमय दास तथा थारु पत्रकार नेपालका अध्यक्ष श्री शम्भु महतोलगायतको उपस्थिति रहेको थियो। कार्यक्रमको सहजीकरण समितिका सचिव श्री मनोज चौधरीले गर्नुभएको थियो।